KEE NO. 264 “ ATEKU TEDEH “

1) Ateku tedehman baNdu o Tuhan
Malem me ateku jumpa si erkuasa
Aku megegeh di ras Kam o, Tuhanku
Sabab Kam me kapen, ulu sinasana

Reff :
Kubegi kataNdu kata tuhu-tuhu
Keke me ukurku nehken peratenNdu

2) Terang kataNdu, nerangi pusuhku
Pusuh jadi senang, ergiah geluhku
Gegeh si mbaru, berekeNdu bangku
Labo aku talu, meriah ukurku
Reff :
Kubegi kataNdu kata tuhu-tuhu
Keke me ukurku nehken peratenNdu

3) Ib’reNdu pedah, kuakap pe megah
Tambah perngertian, dat kiniulien
Tambah pemeteh, turah kapen gegeh
pemereNdu sampur, ras kusehken bujur
Reff :
Kubegi kataNdu kata tuhu-tuhu
Keke me ukurku nehken peratenNdu

 

KEE NO. 263 “ ADI KUIDAH AMPAR BINTANG TERANG “

1) Adi kuidah ampar bintang terang
Ras sora lenggur kubegi
O, Tuhanku ije ukurku mamang
Ngidah b’linna krina tinepaNdu

Reff :
Maka pusuhku e pehaga Kam
Mbelin me Kam o, Tuhanku
maka pusuhku e pehaga Kam
O, Tuhanku, mehaga kam

2) O, Tuhanku di k’rina kuukurken
Perkuah ‘teNdu nebusi aku
Tuhan me kap man bangku nggo ib’reken
Alu dareh Yesus si badia
Reff :
Maka pusuhku e pehaga Kam
Mbelin me Kam o, Tuhanku
maka pusuhku e pehaga Kam
O, Tuhanku, mehaga kam

3) Di sada paksa Kristus ndilo aku
Keriahenku tuhu mbelin je
Perban nggo seh kai jadi kesikelku
Ngidah sinalsal terang ayoNdu
Reff :
Maka pusuhku e pehaga Kam
Mbelin me Kam o, Tuhanku
maka pusuhku e pehaga Kam
O, Tuhanku, mehaga kam

 

KEE NO. 266 “ ERSEMBAH KAMI BANDU “

1) Ersembah kami baNdu
Kerna lias ateNdu
Bas perkuah ateNdu
Tembe rumah mbaru
Meriah tuhu-tuhu
Nggejapken pasu-pasu
Bujur ning kami baNdu
Terpujilah gelarNdu ….. 2 x

2) Malem ateta k’rina
Wari si sendah enda
Totonta begikenNa
Seh sura-suranta
Sora Dibata jenda
Terbegilah tetap
‘Di geluhta badia
Terpujilah gelarNa ….. 2 x


3) Gegehi kami tetap
Ndalanken peratenNdu
KelengNdu la ‘mb’ra masap
Seh ku anak kempu
Gegehku ras ertangku
Kusembahken man baNdu
Tetapkenlah jingkangku
Seh ku bas RumahNdu ….. 2 x

KEE NO. 265 “ DESKEN LAMPU SI MEDIK-EDIK “

1) Desken lamu si medik-medik
Idas perahu kitik-kitik
Bagem perdalinen geluhta
I tengah g’lombang doni enda

Reff :
Enggo kap ndube Kam erpadan
Lampu si medik la nimpetken
Buluh si mbeltuk pe jineken
Labo kap sada pe penggelken

2) Kecibalen doni si gelap
Terang si kitik pe terakap
Amin pe milep-ilep ngenca
Enterem jelma merlukenca
Reff :
Enggo kap ndube Kam erpadan
Lampu si medik la nimpetken
Buluh si mbeltuk pe jineken
Labo kap sada pe penggelken

3) Dage cidahken min o, Bapa
Man k’rina isi doni enda
Maka itehna min gereja
Em Jesus Kristus so madasa
Reff :
Enggo kap ndube Kam erpadan
Lampu si medik la nimpetken
Buluh si mbeltuk pe jineken
Labo kap sada pe penggelken

4) Pasu-pasuNdulah min krina
Pergeluh ngawan perpulungen
Ras serayanNdu japa gia
Bas Jesus la lit erndobahen
Reff :
Enggo kap ndube Kam erpadan
Lampu si medik la nimpetken
Buluh si mbeltuk pe jineken
Labo kap sada pe penggelken

KEE NO. 262 “ DONI ENDA SEH ULINA “

1) Doni enda seh ulina
Tuhan si nepasa
Ras isina pe k’rina
B’rekenNa banta

Reff :
Sehken bujur dage baNa
Arah k’rina dampar g’luhta
Sehken bujur dage baNa
Arah k’rina dampar g’luhta

2) Taneh si mekapal enda
Tuhan si nembasa
Kai pe mbue kap bassa
Kuh banNa banta
Reff :
Sehken bujur dage baNa
Arah k’rina dampar g’luhta
Sehken bujur dage baNa
Arah k’rina dampar g’luhta

3) Rumah enda seh jilena
Tuhan si m’rekenca
Datken pasu-pasuNa
Kam ngianisa
Reff :
Sehken bujur dage baNa
Arah k’rina dampar g’luhta
Sehken bujur dage baNa
Arah k’rina dampar g’luhta

4) Kiniliten enda k’rina
Tuhan kap empuna
Si pakeken min k’rina
Guna k’rajanNa
Reff :
Sehken bujur dage baNa
Arah k’rina dampar g’luhta
Sehken bujur dage baNa
Arah k’rina dampar g’luhta

5) Gelah lit tetap rumatta
Tuhan njaminisa
Kinis’ran pe ngampangsa
Piher ukurta
Reff : 

Sehken bujur dage baNa
Arah k’rina dampar g’luhta
Sehken bujur dage baNa
Arah k’rina dampar g’luhta

KEE NO. 261 “ KUGA KIN NDIA SURA-SURA NI DIBATA “

1) Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa

Ibas ngerabi ciluki k’rangen tua
‘Nggo jadi jajat piah meseng sinasana
Cimber meseng ‘nggo ngulungi ‘nterem jelma
Turah penakitna mate k ape lit nge deba

2) Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa
Wari perlego pe kap terketes nge si turah

Senuan-senun pe terketes nge si turah
Lit pe si turah enggo kurang si erbuah
Je reh teremna kalak lapar ras si suhsah

3) Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa
Adina radas kin tabahi batang kayu

Erbanca uruk pe ras deleng bagi tabu
Piah enggo sapsap kin arusna tahan-turu
Reh kenca udan minter naring’ ng’raja lau

4) Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa
Ibas nggasgasi ‘di la kenca kita robah

Tambah teremna rusur kalak erban ulah
Lau si maler pe kap dungna pagi kerah
Si gelgel malem genduari jadi ngisah

5)Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa
‘Tah ‘ban alerken rusur lau si la payo

Enggo megembur si nai nari kin meciho
Ngidah binurung pe ateta ‘nggo megogo
‘je kalak ridi pe lanai bo pang ku layo

6) Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa
Perik si kabang pe ‘nggo urak beliganna

Rubia-rubia pe lit masap sinursurna
Nurung ‘bas layo pe ‘nggo bilangenna
‘Di gasgasi tentu napnap nge jadina

KEE NO. 259 “ SALAM RAS MEJUAH-JUAH “

1) Salam ras m’juah-juah kam
Toto kami nemanisa
Sangap bas perdalinenNdu
Dibatalah sinaruh kenca

Reff :
Ingetlah min ‘di ertoto kam
Kami ijenda kerina
Tuhan Dibata nemani kita
Rasa lalap rasa lalap e

2) Ibas ingan si ndauh pe
Min tetap kinitekenndu
Ikutken Kata Tuhannta
Dibata tetap penggurunndu
 

Reff :
Ingetlah min ‘di ertoto kam
Kami ijenda kerina
Tuhan Dibata nemani kita
Rasa lalap rasa lalap e

3) Nande bapa kekelengen
Nggeluh bas erpengarapen
Doni ingan perlajangen
Metenget kam man si jahat e
 

Reff :
Ingetlah min ‘di ertoto kam
Kami ijenda kerina
Tuhan Dibata nemani kita
Rasa lalap rasa lalap e

4) Tuhan si mada geluhta
Ia si nepa doni enda
La lit kap persirangennta
Dibata me pejumpa kita
 

Reff :
Ingetlah min ‘di ertoto kam
Kami ijenda kerina
Tuhan Dibata nemani kita
Rasa lalap rasa lalap e

KEE NO. 260 “ OH ANDIKO JILENA “

 1) Oh andiko jilena, tinepa Dibata
Subuk pertibi enda, ras isina k’rina
Deleng si meratah kerangen
Perik-perik rende kabangen
Andiko jilena si banNa
Seh kel kap ulina

Reff :
Emaka tanggarlah min kita jelma
Ola melasang, ola meturdaksa
Lit tenah kata pedah ni Dibata
Jaga kelengi, k’rina tinepaNa

2) Ah andiko cedana, si tepaNa ndube
Penggaya iblis ‘rbanca, jelma rate-rate
Uruk si megersing meturban
Rudang ‘nggo merapak i mbalbal
Andiko mekelek cedana
Bekas tinepana
Reff :
Emaka tanggarlah min kita jelma
Ola melasang, ola meturdaksa
Lit tenah kata pedah ni Dibata
Jaga kelengi, k’rina tinepaNa

3) Ah andiko kelsehen, ‘ban tinepa mbernge
‘Ban ketulahen maka, dungna jelma murde
‘Nggo megembur layo meserge
Rudang ‘nggo merapak I mbalmbal
Andiko kelsehen nge kepe,
Sinasana ndele
Reff :
Emaka tanggarlah min kita jelma
Ola melasang, ola meturdaksa
Lit tenah kata pedah ni Dibata
Jaga kelengi, k’rina tinepaNa

4) Oh andiko mulihken, min jilena ndube
‘Lah doni enda k’rina, la erkune-kune
Lit tinepa ceda petembe
‘Tah pe rudang melus pejore
Andiko gayangna kepeken
‘Di tinepa ‘rdame
Reff :
Emaka tanggarlah min kita jelma
Ola melasang, ola meturdaksa
Lit tenah kata pedah ni Dibata
Jaga kelengi, k’rina tinepaNa

5) Oh andiko riahna, doni si’nggo mbaru
Aloken Yesus Tuhan, Juruselamatta
‘Lah rubia njingkang La m’lence
Perturah senuan la lengke
Andiko riahna ras Tuhan
Pusuh pe la nggine
Reff :

Emaka tanggarlah min kita jelma
Ola melasang, ola meturdaksa
Lit tenah kata pedah ni Dibata
Jaga kelengi, k’rina tinepaNa

KEE NO. 258 “ ENGGO ME MENTAS KAP TUHAN SI MALE “

1) Enggo me mentas kap Tuhan si male
Sini ku puji Dibata nge jine
Dage kawalilah min kami tole
Gelah terkelin bas paksa erbebe

Reff :
Mentasi wari bas tahun si enda
Ola min sada pe lit sibanggerna
Adi oratilah rusur KataNa
Si eteh nge dungna si benar ‘tah dosa

2) ‘Nggo gia tadingken tahunna si male
Lit si meriah lit ka nge sin dele
Lit ka si jore buen denga si kote
‘Di kiniteken min ola seh mbole
Reff :

Mentasi wari bas tahun si enda
Ola min sada pe lit sibanggerna
Adi oratilah rusur KataNa
Si eteh nge dungna si benar ‘tah dosa

3) Tahun si male ‘nggo lewat bentasi
Tahun si mbaru sangana dalani
Je olanai min lit si nggasgasi
Ku si mehuli madin ni ayaki
Reff :

Mentasi wari bas tahun si enda
Ola min sada pe lit sibanggerna
Adi oratilah rusur KataNa
Si eteh nge dungna si benar ‘tah dosa

4) Labo kap dalih gia tahun ‘nggo sambar
Kinitekennta min tetap la mobar
‘Ban pemeraNa man banta nge simpar
Gelahna kit ape mere melumbar
Reff :
Mentasi wari bas tahun si enda
Ola min sada pe lit sibanggerna
Adi oratilah rusur KataNa
Si eteh nge dungna si benar ‘tah dosa

5) Bas tahun enda lah gia pejore
Kune lit denga dahinnta si murde
Sababna banci nge k’rina petembe
‘Di b’re Dibata lah gegeh min tole
Reff :

6) Si ni arapken bas tahun si mbaru
Min lalap nggeluh bas kami kataNdu
‘Lah banci robah perlangkah-perlagu
Bas si la payo ilebe-lebeNdu
Reff :
Mentasi wari bas tahun si enda
Ola min sada pe lit sibanggerna
Adi oratilah rusur KataNa
Si eteh nge dungna si benar ‘tah dosa

7) Ibas Tahunna si mbaru enda gelah
PerpulungenNdu reh tambah ergiah
Nehken kataNdu man kalak si nilah
Maka reh mbarnalah B’rita si m’riah
Reff :
Mentasi wari bas tahun si enda
Ola min sada pe lit sibanggerna
Adi oratilah rusur KataNa
Si eteh nge dungna si benar ‘tah dosa

KEE NO. 257 “ SIBERITAKEN BERITA SI MERIAH “

Reff :
Siberitaken Berita si Meriah
Ku kalak latih sin dele ‘tah pe lolah
‘Bas si la payo kerina banci robah
Adi Dibata si m’reken sepang luah

1) Enterem denga kalak si kel sehen
Perbahan jumpa rusur kebiaren
Piah lanai bo ‘tehna petumburen
Ndaram-ndarami ingan man tundalen

2) Reff :Siberitaken Berita si Meriah
Ku kalak latih sin dele ‘tah pe lolah
‘Bas si la payo kerina banci robah
Adi Dibata si m’reken sepang luah

Enterem jelma mbue erbagena
Lit deba rubat rusur sapih ia
Sura-surana lalap ib’linkenna
Kata Dibata ndauh nge kap rassa

3) Reff :
Lit denga ka nge deba kalak jore
Ibas geluhna labo jumpa dame
Perukurenna rusur monce-once
Ban kekelengen labo ‘nggo ipake

4) Reff :Siberitaken Berita si Meriah
Ku kalak latih sin dele ‘tah pe lolah
‘Bas si la payo kerina banci robah
Adi Dibata si m’reken sepang luah

‘Di jelma gutul la terbeligai
Si nebu-nebu e pe kap merari
Kalak erjentik la erngadi-ngadi
‘Tah perubaten lit nge teptep wari

5) Reff :Siberitaken Berita si Meriah
Ku kalak latih sin dele ‘tah pe lolah
‘Bas si la payo kerina banci robah
Adi Dibata si m’reken sepang luah

Anem pe mbelang si man peranin
Si mehulina minter muat bagin
Emaka ola sidalih-dalihen
Banci nge dungi adi sir as-rasken

6) Reff :Siberitaken Berita si Meriah
Ku kalak latih sin dele ‘tah pe lolah
‘Bas si la payo kerina banci robah
Adi Dibata si m’reken sepang luah

Tuhan Dibata keleng ‘tena k’rina
Maka dilona jadi rarasenNa
B’rita si m’riah kita pembarkenca
Tentu terpuji gelar ni Dibata

LIRIK KEE NO. 256 “ NJALA ENTAH RANI “

1) Njala entah rani nina e
Anding adingen nge kap e
Nina Tuhan Yesus dage:
“Dahikenlah dahinNdu genduari e”
Ninta min kerina ale:
“Ije nda aku o Tuhan
Suruhlah dage

Dage amburkenlah jalanta
Ulanai min lit sierdalih
Ije makana simpar kek’lengenta
Gelah lanai banci salih

2) Njala entah rani nina e
Anding adingen nge kap e
Nina Tuhan Yesus dage:
“Dahikenlah dahinNdu genduari e”
Ninta min kerina ale:
“Ije nda aku o Tuhan
Suruhlah dage

Di’ mbelang si man peranin
Janah kita mesi ranisa
Kalak sideban pe lanai suin
Perbahan Yesus si madasa

3)Njala entah rani nina e
Anding adingen nge kap e
Nina Tuhan Yesus dage:
“Dahikenlah dahinNdu genduari e”
Ninta min kerina ale:
“Ije nda aku o Tuhan
Suruhlah dage

 Dagena ota si b’ritaken
B’rita si meriah man teman
Gelah lanai lit ibas kegelapen
Dingen lanai lit si tertaban

4) Njala entah rani nina e
Anding adingen nge kap e
Nina Tuhan Yesus dage:
“Dahikenlah dahinNdu genduari e”
Ninta min kerina ale:
“Ije nda aku o Tuhan
Suruhlah dage

Di ‘nggo kataNa si pakeken
Ras pedahNa pe si dalanken
Ije me t’ridah buah kiniteken
Gelar Dibata imuliaken

LIRIK KEE NO.255 “ TALENTA “

1) Talenta sini b’reken Dibatanta
Jadi min erlipat ganda
Tutus ateta ndahiken dahinNa
Amin pemberat tapina ermulia

Reff :
Kalak si malang nandangi Tuhan
Lakap ‘nggit nimbak labo ‘nggit nogan
Maka dahinken ‘lah alu tutus
Ola lakoken alu mekarus

2) Geluhta babo doni la kel ndekah
Ola min kita nggit nilah
Gia ‘ncubai setanna si ngerah
Juruslamat erbanca kita pulah

Reff :Kalak si malang nandangi Tuhan
Lakap ‘nggit nimbak labo ‘nggit nogan
Maka dahinken ‘lah alu tutus
Ola lakoken alu mekarus

3) Ersadalah min arihta kerina
Make kata ras pedahNa
Gelar ni Tuhan ‘lah tetap mulia
Ije me t’ridah ibas lagu-langkahta
 

Reff :
Kalak si malang nandangi Tuhan
Lakap ‘nggit nimbak labo ‘nggit nogan
Maka dahinken ‘lah alu tutus
Ola lakoken alu mekarus

4) Ulihna lit kap bas Tuhan Dibata
Mulia rikut mehaga
Adi perkisat la kel lit gunana
Jelma mejingkat maka ngena ateNa
 

Reff :
Kalak si malang nandangi Tuhan
Lakap ‘nggit nimbak labo ‘nggit nogan
Maka dahinken ‘lah alu tutus
Ola lakoken alu mekarus